:: دنـــيـا الـحـزن ::

:: دنـــيـا الـحـزن ::



مليت من دنيا بها الحــــزن شفناه
شفنا الغدر فيها مــــع آنا وفيــــنا

مدري حبيبي شنهو اللي عـــملناه
مدري وش اللي ناقصٍ ماعطــينا

صنا العهد تدري ولا يـــوم خنــاه
وما اذكر ياعمري مرةٍ قــد خطينا

غيرك ترى مدلي المحبه بيـــمنــاه
ورديت حبه وقلت آسف هويـــنــا

ماهــــمنا والله لـــــونا فـــقــدنـــاه
من حبه الخادع بحبك صحيــــنـــا

يكفيني انت اللي خفوقي تـــمنــــاه
لكن وش اللي صار لــــحظة بدنيا؟

فجأه اختفيت وكل نــجمٍ ســــألــناه
يقول مدري غصب والله غــــفــينا

وطمنت روحي يوم صوتك سمعناه
لكن طعنت القلب وقلت انــتــهـيـنا

صدمتك هزت عرش حبك ومبـنـاه
ومــاهــــو دمــع والله دمٍ بــكـيــنــا

اسألك ياخلي وش اللي فــعــلــنــــاه
وردك تقول ارضوا ترانا رضـــينـا

وش لون نرضى يموت وردٍ زرعناه
ونصير عقب الورد شوكٍ جنــيــنــا

يازين منك الهــم والـــحــزن ذقــنــاه
ذقـــنـــاه عــشــنا بالمــحــبه وفيـــنا

مع تحيات اخوكم
البحـــــــــــــــــــــــــــــــــــــــــــــــر
moonamor123

امين تسلم يا زوووووء يسعدو احلا ادمن

شكرا الك البنفسج مشكوره كثييير